Օգտագործման պայմաններ

Պ Ա Յ Մ Ա Ն Ն Ե Ր

www.supermarket.am կայքից օգտվելու

ԸՆԴՀԱՆՈՒՐ ԴՐՈՒՅԹՆԵՐ

Սույն պայմանները (այսուհետ՝ «Պայմաններ») կարգավորում են www.supermarket.am կայքի (այսուհետ՝ «Կայք») միջոցով առցանց ծառայությունների մատուցման հետ կապված իրավահարաբերությունները։

Կայքն իրենից ներկայացնում է առցանց խանութ ինտերնետ հարթակ։ Կայքը պատկանում և տնօրինվում է, հետևաբար և՝ ծառայությունները մատուցվում են «ԼԵՎԱՆ ԳՐՈՒՊ» սահմանափակ պատասխանատվությամբ ընկերության (այսուհետ նաև՝ «Ընկերություն») կողմից։

Պայմաններն իրենցից ներկայացնում են միանալու պայմանագիր։ Մուտք գործելով Կայք և/կամ օգտվելով Կայքի միջոցով մատուցվող ցանկացած ծառայությունից կամ կատարելով ցանկացած գնում կամ Կայքից ներբեռնելով ցանկացած նյութ (ամբողջական կամ մասնակի) (նշվածներից ցանկացածն այսուհետ՝ «Ծառայություն», իսկ դրանցից օգտվողը՝ «Օգտագործող»)՝ Օգտագործողը հաստատում է, որ ամբողջությամբ կարդացել և հասկացել է սույն Պայմանները, ինչպես նաև Կայքում հրապարակված Ծառայությունների մատուցման մյուս բոլոր պայմանները, Գաղտնիության քաղաքականությունը, սակագները և դրանց հետ կապված այլ կարգավորումները, և առանց որևէ վերապահումների ընդունել և համաձայնել է դրանց (ամբողջությամբ միացել է սույն միանալու պայմանագրին)՝ անկախ նրանից, թե Օգտագործողը փաստացի օգտվել է Ծառայություններից, գրանցվել է Կայքում, թե պարզապես այցելել է Կայք:

Համաձայնվելով Պայմաններին՝ Օգտագործողը հաստատում է, որ իր գտնվելու երկրի օրենքների իմաստով լրիվ գործունակ է և իրավունք ունի օգտվել Ծառայություններից, այլապես՝ Ծառայություններից օգտվելու համար անգործունակ  կամ սահմանափակ գործունակ Օգտագործողը պարտավոր է ստանալ իր ծնողների կամ խնամակալի/հոգաբարձուի համաձայնությունը:

Իրավաբանական անձի անունից Կայքում գրանցվող և/կամ Ծառայություններից օգտվող անձը հավաստում է, որ ունի իրավաբանական անձի կողմից տրված բոլոր իրավասությունները վերջինիս կողմից հանդես գալու և գործարքներ կնքելու համար:

Ընկերությունը որևէ կերպ պարտավորված չէ ստուգել Օգտագործողի գործունակությունը (իրավաբանական անձի անունից գործարքներ կնքելու իրավասությունները). այդ մասով պատասխանատվությունն ամբողջությամբ կրում է Օգտագործողը։

ԿԱՅՔԻՑ ՕԳՏՎԵԼԸ

Օգտագործողը կարող է ազատորեն այցելել Կայք առանց գրանցվելու, սակայն Ծառայություններից ողջ ծավալով օգտվելու, ինչպես նաև Կայքի ընձեռած ավելի լայն հնարավորություններից օգտվելու համար անհրաժեշտ է գրանցվել Կայքում՝ բացելով Օգտագործողի հաշիվ (այսուհետ նաև՝ «Հաշիվ»): Յուրաքանչյուր Օգտագործող կարող է ունենալ միայն մեկ Հաշիվ: Օգտագործողներն իրավունք չունեն օգտագործել այլ Օգտագարծողի հաշիվ: Հաշիվը բացելիս Օգտագործողը պարտավոր է ճշգրիտ լրացնել/տրամադրել Հաշիվը բացելու համար պահանջվող տեղեկատվությունը: Օգտագործողն ինքն է պատասխանատվություն կրում իր կողմից մուտքագրված տվյալների ճշգրտության և հավաստիության համար։

ԱՌՑԱՆՑ ԽԱՆՈՒԹ

Առցանց խանութը գնումների էլեկտրոնային տարբերակ է, որը թույլ է տալիս սպառողին գտնել իրեն անհրաժեշտ ապրանքը, կատարել առցանց վճարում և պատվիրել դրա առաքումն իր նշած հասցեով: Կայքը՝ լուսանկարներով, որոնման հնարավորություններով, այցելուին տրամադրում է գնում կատարելու համար անհրաժեշտ ամբողջական տեղեկատվություն:

Ընկերությունը տրամադրում է ապրանքները առանց որևէ տեսակի երաշխիքների, լինի արտահայտված, թե ոչ արտահայտված, ներառյալ, բայց չսահմանափակվելով, ենթադրյալ վաճառքի պիտանիության, հատուկ նպատակով օգտագործման կամ մտավոր սեփականության չխախտման երաշխիքներ: Ընկերությունը չի երաշխավորում, որ ապրանքները կլինեն անթերի, կամ որ ցանկացած թերություններ կուղղվեն: Ընկերությունը չի տալիս որևէ երաշխիքներ ապրանքների օգտագործման կամ օգտագործման արդյունքների վերաբերյալ՝ նրանց ճշգրտության, հուսալիության կամ այլ բնութագրիչների առումով: Ընկերությունը չի երաշխավորում, որ ապրանքների նկարագրությունները կամ կայքի մյուս բովանդակությունը ճշգրիտ, ամբողջական, հուսալի, արդի կամ անսխալ են:

Ընկերությունը պատասխանատվություն չի կրում որևէ անուղղակի, պատահական, հատուկ, հետևանքային կամ պատժիչ վնասների համար: Ընկերության ընդհանուր պատասխանատվությունը հաճախորդի առջև ցանկացած վնասների (լինի պայմանագրով, թե խախտման (ներառյալ անփութություն) կամ այլ ձևով) համար, չպետք է գերազանցի հաճախորդի կողմից վճարված գումարը այն ապրանքի համար, որը առաջացրել է պատասխանատվությունը:

Հաճախորդները պատասխանատու են համոզվելու համար, որ ունեն ճիշտ տեղեկություն իրենց ալերգիաների, կամ այլ սննդային սահմանափակումների վերաբերյալ, նախքան որևէ ապրանքի օգտագործումը, որը գնված է Ընկերությունից: Ընկերությունը պատասխանատվություն չի կրում որևէ անբարենպաստ ռեակցիաների համար, որոնք առաջացել են ապրանքների բաղադրիչների պատճառով:

ԾԱՌԱՅՈՒԹՅՈՒՆՆԵՐԻ ԳԻՆԸ

Ապրանքների գները հրապարակվում են Կայքում։ Օգտագործողը ապրանքների դիմաց վճարումները կատարելու նպատակով պետք է օգտագործի վճարային քարտը (Debit Card, Credit Card, Կայքի կողմից ընդունելի լինելու դեպքում՝ այլ վճարային միջոցը) կամ վճարի առաքիչին Debit Card, Credit Card կամ կանխիկի միջոցով։

Ընկերությունն իրավունք ունի ցանկացած ժամանակ փոփոխել ապրանքների գները՝ կայքում տեղադրելով փոփոխված գները։

Օգտագործողը սույնով հավաստում և ընդունում է, որ իրեն չպատկանող և սեփականատիրոջ կողմից չարտոնված վճարային քարտերով կամ վճարման այլ միջոցներով իր կողմից կատարվող գործարքների բացահայտման և/կամ Ծառայությունների համար վճարված գումարները Ընկերությունից որևէ կերպ հետ գանձման դեպքում Ընկերությունն իրավունք ունի Օգտագործողից պահանջելու ինչպես ապրանքի արժեքը, այնպես էլ տուգանք` ապրանքի արժեքի մինչև 100% /հարյուր տոկոսի/ չափով, ինչպես նաև պահանջելու Ընկերությանը պատճառված վնասների ամբողջական հատուցում։

Բոնուսներ ստանալու հնարավորություն նախատեսված լինելու դեպքում Ընկերությունն իրավունք ունի զրոյացնել Օգտագործողի կուտակված և չօգտագործված բոնուսները, եթե Օգտագործողը 3 /երեք/ և ավելի ամիսների ընթացքում չի կատարում գնում ընկերության կայքից։

ԿԱՅՔԻ ԲՈՎԱՆԴԱԿՈՒԹՅՈՒՆԸ

Կայքի բովանդակությունը, կառուցվածքը, դիզայնը, և Կայքի հետ առնչվող ցանկացած այլ գործոն (այսուհետ նաև՝ Կայքի բովանդակություն) պաշտպանված են համապատասխան հեղինակային և սեփականության բացառիկ իրավունքներով: Կայքի կամ վերջինիս տարբեր էջերի հղումները կիսվելուց (share անելուց) բացի խստիվ արգելվում է որևէ այլ կերպ տպել, տարածել, օգտագործել կամ հրապարակել Կայքի բովանդակության ցանկացած տարր:

Կայքում տեղադրված երրորդ անձանց անունները, ապրանքանիշերը, ապրանքները, ծառայությունները, հոդվածները, լուսանկարները, նկարները, գրաֆիկ նկարները, ձայնային և տեսանյութերը, ծրագրերը կամ այլ կայքերին հղումները (հիպերլինկերը) կամ ցանկացած այլ տեղեկատվություն նախատեսված են բացառապես Օգտագործողի հարմարավետության համար և ոչ մի պարագայում չեն ենթադրում Ընկերության կողմից նշված երրորդ անձանց կամ նրանց ապրանքների կամ ծառայությունների մասին տեղեկատվության ամբողջականության կամ ճշմարտացիության հավաստում, դրանց ընդունում, հովանավորչություն կամ առաջարկություն (օֆերտա): Ընկերությունը որևէ պատասխանատվություն չի կրում նշված նյութերի և կայքերի բովանդակության համար և չի հաստատում դրանց  ճշմարտացիությունը: Օգտագործողն ընդունում և հավաստում է, որ նշված երրորդ անձանց կայքերի հղումներին սեղմելու և այդ կայքեր այցելելու դեպքում նա դա անում է սեփական նախաձեռնությամբ: 

Ընկերությունը որևէ պատասխանատվություն չի կրում Կայքի միջոցով երրորդ անձանց կողմից առաջարկվող և մատուցվող ծառայությունների, ապրանքների և/կամ աշխատանքների համար:

Ընկերությունը պատասխանատվություն չի կրում իր միջոցով կամ իր օգնությամբ երրորդ անձանց կայքերից գնված ապրանքերի/ծառայությունների որակի, անսարքության, ոչ ամբողջականության, ինչպես նաև այդ ապրանքները/ծառայությունները Օգտագործողի ակնկալիքներին չհամապատասխանելու համար։

Օգտագործողը հավաստում և համաձայնվում է, որ Կայքի, Ապրանքների կամ Ծառայությունների վերաբերյալ իր կողմից տրամադրված ցանկացած գնահատական, մեկնաբանություն կամ առաջարկություն ամբողջովին կտրամադրվի կամավոր հիմունքներով և հիմնված կլինի հենց Օգտագործողի՝ Կայքում ունեցած անձնական փորձի վրա։ Ընկերությունն իրավունք ունի ազատորեն օգտագործել այդ գնահատականները, մեկնաբանությունները կամ առաջարկությունները առանց Օգտագործողի լրացուցիչ համաձայնությունը ստանալու և առանց դրա հետ կապված Օգտագործողի նկատմամբ որևէ պարտավորություն ստանձնելու։ Ընկերությունն իրավունք ունի իր հայեցողությամբ պահպանել կամ ջնջել/հեռացնել Կայքում Օգտագործողի կողմից տրամադրված գնահատականները, մեկնաբանությունները կամ առաջարկությունները, ինչպես նաև Օգտագործողի կողմից տրամադրված/լրացված ցանկացած այլ տվյալներ, տեղեկատվություն, նյութեր կամ բովանդակություն:

ՄՍԱՄԹԵՐՔԻ ՎԵՐԱԴԱՐՁԻ ՔԱՂԱՔԱԿԱՆՈՒԹՅՈՒՆ

 Մսամթերքը չի կարող հետ վերադարձվել ձեր նշած հասցեով առաքվելուց հետո: Խնդրում ենք Ձեզ ուշադիր ստուգել Ձեր պատվերի որակը և համապատասխանությունը առաքման ժամանակ:

ՊԱՅՄԱՆՆԵՐԻ ՓՈՓՈԽՈՒԹՅՈՒՆՆԵՐ

Ընկերությունն իրավունք ունի առանց Օգտագործողին ծանուցելու, միակողմանի, ցանկացած ժամանակ փոփոխել Պայմանները՝ դրա վերջին փոփոխված տարբերակը հրապարակելով Կայքում և դրանում նշելով Պայմանների վերջին փոփոխության/թարմացման ամսաթիվը: Օգտագործողի պարտականությունն է ժամանակ առ ժամանակ այցելել Կայք և ստուգել Պայմանների փոփոխությունները: Նոր Պայմաններն ուժի մեջ են մտնում և տարածվում են բոլոր Օգտագործողների վրա (ներառյալ՝ մինչև նոր Պայմանների հրապարակումը Կայքում գրանցված և/կամ Կայքից օգտվող և/կամ Ծառայություններից օգտվող Օգտագործողների վրա) նոր Պայմանների՝ Կայքում հրապարակման պահից:

Նոր Պայմանների հետ համաձայն չլինելու դեպքում Օգտագործողն իրավունք ունի դադարեցնել Ծառայություններից օգտվելը, հակառակ դեպքում՝ շարունակելով այցելել Կայք և/կամ օգտվել Ծառայություններից՝ Օգտագործողը անվերապահորեն համաձայնություն է տալիս նոր Պայմաններին և հետագայում որևէ պահանջ կամ բողոք այդ կապակցությամբ չի կարող ներկայացնել Ընկերությանը։

ՍՈՒՅՆ ՄԻԱՆԱԼՈՒ ՊԱՅՄԱՆԱԳՐԻ ԼՈՒԾՈՒՄԸ

Օգտագործողն իրավունք ունի ցանկացած ժամանակ լուծել սույն միանալու պայմանագիրը՝ մինչև լուծումը կատարելով Ընկերության հանդեպ իր ունեցած բոլոր, այդ թվում՝ վճարային պարտականությունները:

Սույն պայմանագրի լուծման և Կայքում գործող Օգտագործողի Հաշիվը փակելու համար Օգտագործողը պետք է իր Հաշվում նշված իր էլեկտրոնային փոստի հասցեից Ընկերության support@supermarket.am էլեկտրոնային փոստի հասցեին ուղարկի դիմում սույն պայմանագրի լուծման և իր Հաշվի փակման մասին՝ նշելով Հաշվի գրանցման ժամանակ տրամադրած իր էլեկտրոնային փոստի հասցեն։

Ընկերությունն իրավունք ունի միակողմանի լուծել սույն միանալու պայմանագիրը, եթե Օգտագործողն իր գործողություններով իրականությանը չհամապատասխանող տեղեկություններ է տարածում Ընկերության մասին կամ Ընկերության կողմից մատուցվող ծառայությունների վերաբերյալ, իր գործողություններով փորձում է այլ սուբյեկտների մոտ Ընկերության նկատմամբ ձևավորել բացասական կարծիք կամ ցանկացած այլ դեպքում, եթե Ընկերությունը կգտնի, որ Օգտագործողի գործողությունները վնասում են կամ կարող են վնասել Ընկերության գործարար համբավին: Սույն պարբերությամբ նախատեսված հիմքերից ցանկացածով սույն միանալու պայամանագրի լուծման դեպքում Օգտագործողի բոլոր բոնուսները (նման բոնուսներ նախատեսված լինելու դեպքում) զրոյացվում են, իսկ Օգտագործողի կողմից Ծառայությունների դիմաց արդեն իսկ վճարված գումարները ենթակա չեն հետ վերադարձման վերջինիս:

Ընկերությունն իրավունք ունի ցանկացած ժամանակ, առանց որևէ պատճառի, միակողմանի հրաժարվել վաճառել Օգտագործողին ցանկացած ապրանք և/կամ մատուցել և/կամ միակողմանի լուծել սույն միանալու պայմանագիրը։ Սույն պարբերությանը նախորդող պարբերությամբ նախատեսված հիմքերից բացի ցանկացած այլ հիմքով սույն միանալու պայմանագիրը լուծվելու և/կամ Օգտագործողին Ծառայությունների կամ դրանց մասի մատուցումը դադարեցնելու դեպքերում Օգտագործողի կողմից նախապես վճարված սակայն չմատուցված Ծառայությունների արժեքը ենթակա է հետ վերադարձման Օգտագործողին։

ՎԵՃԵՐ ԵՎ ԿԻՐԱՌԵԼԻ ՕՐԵՆՍԴՐՈՒԹՅՈՒՆ

Սույն Պայմանների նկատմամբ կիրառվում է ՀՀ օրենսդրությունը։

Սույն Պայմանների կապակցությամբ ծագող ցանկացած վեճ ենթակա է լուծման բանակցությունների ճանապարհով, իսկ համաձայնության չգալու դեպքում՝ ՀՀ օրենսդրությամբ սահմանված դատական կարգով՝ ՀՀ իրավասու դատարանի կողմից։

Թարմացված է 20.06.2024թ.