Սույն Գաղտնիության քաղաքականությունը (այսուհետ՝ «Քաղաքականություն») կարգավորում է www.supermarket.am կայքի (այսուհետ՝ «Կայք») այցելուներից, ինչպես նաեւ Կայքի միջոցով մատուցվող առցանց ծառայություններից օգտվողներից ստացված տեղեկատվության հավաքագրման, օգտագործման, պահպանման եւ բացահայտման հետ կապված իրավահարաբերությունները: Կայքն իրենից ներկայացնում է առցանց խանութ ինտերնետ հարթակ։ Կայքը պատկանում եւ տնօրինվում է, հետեւաբար եւ՝ ծառայությունները մատուցվում են «ԼԵՎԱՆ ԳՐՈՒՊ» սահմանափակ պատասխանատվությամբ ընկերության (այսուհետ նաեւ՝ «Ընկերություն») կողմից։ Քաղաքականությունը հանդիսանում է www.supermarket.am կայքից օգտվելու պայմանների» անբաժանելի եւ բաղկացուցիչ մասը։ Մուտք գործելով Կայք եւ/կամ օգտվելով Կայքի միջոցով մատուցվող ցանկացած ծառայությունից կամ կատարելով ցանկացած գնում կամ Կայքից ներբեռնելով ցանկացած նյութ (ամբողջական կամ մասնակի) (նշվածներից ցանկացածն այսուհետ՝ «Ծառայություն», իսկ դրանցից օգտվողը եւ/կամ Կայք այցելողը՝ «Օգտագործող»)՝ Օգտագործողը հաստատում է, որ ամբողջությամբ կարդացել եւ հասկացել է սույն Քաղաքականությունը եւ առանց որեւէ վերապահումների ընդունել եւ համաձայնել է դրան՝ անկախ նրանից, թե Օգտագործողը փաստացի օգտվել է Ծառայություններից, գրանցվել է Կայքում, թե պարզապես այցելել է Կայք: Եթե Օգտագործողը համաձայն չէ սույն Քաղաքականությամբ սահմանված պայմանների հետ, ապա իրավունք չունի օգտվել Ծառայություններից: ԿԱՅՔԻՑ ՕԳՏՎԵԼԸ Օգտագործողը կարող է ազատորեն այցելել Կայք առանց գրանցվելու, սակայն Ծառայություններից ողջ ծավալով օգտվելու, ինչպես նաեւ Կայքի ընձեռած ավելի լայն հնարավորություններից օգտվելու համար անհրաժեշտ է գրանցվել Կայքում՝ բացելով Օգտագործողի հաշիվ (այսուհետ նաեւ՝ «Հաշիվ»): Յուրաքանչյուր Օգտագործող կարող է ունենալ միայն մեկ Հաշիվ: Օգտագործողներն իրավունք չունեն օգտագործել այլ Օգտագարծողի հաշիվ: Հաշիվը բացելիս Օգտագործողը պարտավոր է ճշգրիտ լրացնել/տրամադրել Հաշիվը բացելու համար պահանջվող տեղեկատվությունը: Օգտագործողն ինքն է պատասխանատվություն կրում իր կողմից մուտքագրված տվյալների ճշգրտության եւ հավաստիության համար։ Օգտագործողն ինքն է պատասխանատու իր Հաշվի մուտքի տվյալների (մուտքանուն եւ գաղտնաբառ) անվտանգ պահպանման համար, ուստի՝ ինքն է կրում ամբողջական պատասխանատվություն իր Հաշվով կատարվող բոլոր գործարքների/գործառնությունների/գործողությունների համար՝ անկախ նրանից, թե փաստացի ինքն է կատարել դրանք, թե որեւէ այլ անձ, ով որեւէ կերպ հասանելիություն է ստացել Օգտագործողի Հաշվին: ՕԳՏԱԳՈՐԾՈՂԻ ԱՆՁՆԱԿԱՆ ՏՎՅԱԼՆԵՐ Օգտագործողը տեղյակ եւ համաձայն է, որ իր կողմից Կայքից օգտվելու ընթացքում Ընկերությունը կարող է Օգտագործողի մասին ստանալ տեղեկություններ նաեւ այլ եղանակներով: Կայքի սերվերները Օգտագործողի մասին ստանում եւ հավաքագրում են այնպիսի տեղեկություններ, ինչպիսիք են Օգտագործողի IP հասցեն, բրաուզերի անվանումը, համակարգչի/հեռախոսի տեսակը, Կայքի հետ կապ հաստատելու միջոցները, ինչպիսիք են օպերացիոն համակարգի տեսակը, ինտերնետային ծառայություն տրամադրող կազմակերպության անվանումը եւ այլ նմանատիպ տեղեկություններ, այդ թվում՝ տեղեկություններ Կայքում Օգտագործողի իրականացրած գործողությունների վերաբերյալ: Այս տեղեկությունները օգնում են Ընկերությանը հասկանալ Օգտագործողի վարքագիծն ու վերջինիս միտումները՝ թույլ տալով Ընկերությանը Օգտագործողին առաջարկել վերջինիս համար ավելի գերադասելի Ծառայություններ: Ընկերությունը կարող է Օգտագործողի մասին ստանալ նաեւ լրացուցիչ այլ տեղեկություններ այլ Օգտագործողների բողոքների, Կայքի սպասարկման կենտրոնի միջոցով կամ տեղեկատվության այլ աղբյուրներից: Օգտագործողի կողմից տրամադրված անձնական տվյալներ պարունակող Կայքի ցանկացած էջ պաշտպանված է բարձր հուսալիություն ունեցող գաղտնաբառերով: Օգտագործողի անձնական տվյալները չեն կարող տրամադրվել երրորդ անձանց, առանց Օգտագործողի համաձայնության, բացառությամբ ՀՀ օրենսդրությամբ եւ/կամ սույն Քաղաքականությամբ նախատեսված դեպքերի (այդ թվում՝ պետական, իրավապահ եւ/կամ դատական մարմինների կողմից՝ իրենց իրավասության սահմաններում կատարված հարցումներ եւ այլն): Օգտագործողը տալիս է իր անվերապահ եւ անհետկանչելի համաձայնությունն առ այն, որպեսզի Ընկերությունը Օգտագործողի կողմից տրամադրված, ինչպես նաեւ Օգտագործողի վերաբերյալ հավաքագրված տվյալները/տեղեկատվությունը առանց Օգտագործողի լրացուցիչ համաձայնության տրամադրի Ընկերության հետ փոխկապակցված եւ/կամ Ընկերության հետ համագործակցող անձանց, այն դեպքերում, երբ այդ տվյալների/տեղեկատվության տրամադրումն անհրաժեշտ է Օգտագործողին Ծառայությունները մատուցելու եւ/կամ Ծառայությունների որակը բարելավելու համար: Այդ կապակցությամբ Օգտագործողը սույնով տեղեկացվում է, որ Ընկերությունը համագործակցում է երրորդ անձանց հետ՝ Օգտագործողներին Ծառայությունները պատշաճ մատուցելու նպատակով, ինչպես օրինակ՝ պատվերների ընդունում, տվյալների բազայի վերլուծություն, մարքեթինգային աջակցություն, բանկային քարտերով վճարումների իրականացման ապահովում եւ քլիրինգ, հաճախորդների սպասարկում եւ այլն: Նշված երրորդ անձինք ստանում են անհրաժեշտ տվյալներին/տեղեկատվությանը հասանելիություն իրենց կողմից հիշյալ գործառնությունների իրականացման նպատակով եւ իրավունք չունեն օգտագործել այդ տվյալները/տեղեկատվությունը այլ նպատակներով: Ընկերությունը կարող է օգտագործել նաեւ Օգտագործողի վերաբերյալ հավաքագրված տվյալները/տեղեկատվությունը Ծառայությունների եւ ապրանքների վերաբերյալ Օգտագործողների հարցումները/պահանջները բավարարելու համար, Օգտագործողներին վերջիններիս հետաքրքրող Ծառայություններ եւ/կամ ապրանքներ առաջարկելու համար, Կայքի օգտագործման մասով Օգտագործողներին աջակցելու համար, Օգտագործողի Հաշիվը կարգավորելու եւ Ծառայություններն ըստ Օգտագործողների նախընտրությունների փոփոխելու համար, Կայքի օգտագործումը վերլուծելու, Կայքը եւ Ծառայությունները բարելավելու համար, Կայքի սխալ օգտագործումը կանխելու եւ պաշտպանելու համար, ինչպես նաեւ օրենքով չարգելված այլ դեպքերում: Օգտագործողը սույնով տալիս է իր համաձայնությունը, որպեսզի Ընկերությունը Օգտագործողի էլեկտրոնային փոստի հասցեին, ինչպես նաեւ հեռախոսահամարին ուղարկի տեղեկատվական եւ/կամ գովազդային բնույթի հաղորդագրություններ։ ԱՆՎՏԱՆԳՈՒԹՅՈՒՆ Ընկերությունը ձեռնարկում է արդիական էլեկտրոնային, ֆիզիկական եւ այլ անվտանգության միջոցներ Օգտագործողի Հաշիվն անօրինական մուտքերից պաշտպանելու ուղղությամբ՝ պաշտպանելով Օգտագործողի կողմից տրամադրված անձնական տվյալները երրորդ անձանց անօրինական հասանելիությունից: Օգտագործողի կողմից տրամադրված բոլոր տվյալները պահվում են ապահով սերվերների տվյալների բազայում: Օգտագործողին անհրաժեշտ է փոխել իր գաղտնաբառը բոլոր այն դեպքերում, երբ Օգտագործողը տեղյակ է կամ հիմնավոր կասկածներ ունի առ այն, որ երրորդ անձանց հասանելի են դարձել իր Հաշվի մուտքի տվյալները (մուտքանուն եւ գաղտնաբառ) եւ/կամ իր Հաշիվ եղել է չթույլատրված մուտք: Ընկերությունը չի կրում ոչ մի պատասխանատվություն այլ անձանց կողմից Օգտագործողի Հաշվով կատարված գործողությունների համար: Այդ գործողություններով Ընկերությանը կամ երրորդ անձանց պատճառված վնասի համար ամբողջական պատասխանատվությունը կրում է Օգտագործողը: Օգտագործողը հավաստում է, որ տեղեկացված է այն մասին, որ Ընկերությունը երբեք չի պահանջի Օգտագործողից էլ. փոստով կամ հեռախոսազանգի միջոցով տրամադրել իր գաղտանաբառը: Ինտերնետ բրաուզերի տեղեկանիշեր (քուքիներ) Կայքն օգտագործում է ինտերնետ բրաուզերի տեղեկանիշեր (այսուհետ նաեւ՝ «քուքիներ») Օգտագործողի՝ Կայքից օգտվելն ավելի արդյունավետ դարձնելու նպատակով: Քուքիների միջոցով Ընկերությունը կարող է ավտոմատ կերպով տվյալներ հավաքել Կայքում Օգտագործողի իրականացրած օնլայն գործունեությունների (այդ թվում՝ հղումների սեղմում, վեբ էջերի դիտարկում, Կայքում որոնումներ) վերաբերյալ: Շատ ինտերնետ բրաուզերներ ունեն քուքիները անջատելու կամ արգելափակելու ֆունկցիա։ Օգտագործողը կարող է իր ինտերնետային բրաուզերից անջատել քուքիների գրանցման ֆունկցիան (եթե այն նման հնարավորություն տալիս է), սակայն այցելելով Կայք եւ քուքիները միացված թողնելով, Ընկերությունը հնարավորություն է ստանում Օգտագործողի համար բարելավելու Կայքի հարմարավետությունն ու արդյունավետությունը՝ վերջինիս հասանելի դարձնելով Կայքով ավելի լայն գործողություններ կատարելու հնարավորություններ: ՓՈՓՈԽՈՒԹՅՈՒՆՆԵՐ Ընկերությունն իրավունք ունի առանց Օգտագործողին ծանուցելու, միակողմանի, ցանկացած ժամանակ փոփոխել սույն Քաղաքականությունը՝ դրա վերջին փոփոխված տարբերակը հրապարակելով Կայքում եւ դրանում նշելով Քաղաքականության վերջին փոփոխության/թարմացման ամսաթիվը: Օգտագործողի պարտականությունն է ժամանակ առ ժամանակ այցելել Կայք եւ ստուգել Քաղաքականության փոփոխությունները: Նոր Քաղաքականության փոփոխություններն ուժի մեջ են մտնում եւ տարածվում են բոլոր Օգտագործողների վրա (ներառյալ՝ մինչեւ նոր Քաղաքականության հրապարակումը Կայքում գրանցված եւ/կամ Ծառայություններից օգտվող Օգտագործողների վրա) դրանց՝ Կայքում հրապարակման պահից: Նոր Քաղաքականության հետ համաձայն չլինելու դեպքում Օգտագործողն իրավունք ունի դադարեցնել Ծառայություններից օգտվելը, հակառակ դեպքում՝ շարունակելով այցելել Կայք եւ/կամ օգտվել Ծառայություններից՝ Օգտագործողը անվերապահորեն համաձայնություն է տալիս նոր Քաղաքականությանը եւ հետագայում որեւէ պահանջ կամ բողոք այդ կապակցությամբ չի կարող ներկայացնել Ընկերությանը։ ՎԵՃԵՐ ԵՎ ԿԻՐԱՌԵԼԻ ՕՐԵՆՍԴՐՈՒԹՅՈՒՆ Սույն Քաղաքականության նկատմամբ կիրառվում է ՀՀ օրենսդրությունը։ Սույն Քաղաքականության կապակցությամբ ծագող ցանկացած վեճ ենթակա է լուծման բանակցությունների ճանապարհով, իսկ համաձայնության չգալու դեպքում՝ ՀՀ օրենսդրությամբ սահմանված դատական կարգով՝ ՀՀ իրավասու դատարանի կողմից։ Թարմացված է 20.06.2024թ